Hyderabad, Nailur:
Haba kynnoh ba ka tnad Housing ka la shah ktah ha ka por jong ka sorkar BRS, u Myntri Revenue & Housing u Ponguleti Srinivas Reddy ha ka sngi Balang u la ong ba kane ka sorkar Congress kaba mynta ka la pynim biang ïa ka skhim shna ïing kaba la wanrah da u Myntri Rangbah barim ka jylla u YS Rajasekhara Reddy na ka bynta ka jingmyntoi jong ki briew kiba duk.
Une u Myntri u la kren ha kane ka jingïalang hadien ba u la ïashim bynta ha ka jingïalumlang ïa ki nongioh myntoi na ka Indiramma Housing Scheme ha ka shnong Arempula kaba hap hapoh ka Palair Assembly konstitwensi jong u.
“Ha ka por jong ka jingsynshar ka YSR, kumba 25 lak tylli ki ïing Indiramma la shna bad aiti sha ki briew kiba duk, ka sorkar Congress kaba mynta hapoh ka jingïalam u Myntri Rangbah ka jylla A Revanth Reddy bad u Symbud Myntri Rangbah ka jylla u Mallu Bhatti Vikramarka ka la pynim biang ïa kane ka skhim”, la ong u Myntri Rangbah.
“Shwa ka ilekshon Assembly 2023, haba u Revanth Reddy u la pynbna ïa ka jingkular jong ka Congress ban wanrah ïa ka skhim shna ïing, kiwei ki seng ki la rkhie beiñ ïa u. Ki la kylli jingkylli ïa u kumno u thmu ban bei tyngka ïa ka skhim. Hynrei ka sorkar jong ngi ka la pynshisha ba ki bakla”, u la bynrap.
“Kane ka sorkar ka la mang 4.5 lak tylli ki ïing na ka bynta kiba duk ha baroh kawei ka jylla, kynthup ïa 3,500 tylli na ka bynta kane ka konstitwensi”, u la bynrap.
Katba u Srinivasa Reddy, u la ther tyngeh ïa ka sorkar barim, kaba la kynnoh ba kam kheiñ snep ïa ka jingkwah jong ki briew kiba duk ban ïoh ïala ka jong ka ïing. “Ka jingpyrkhat jong ki ka long tang ïa ka projek Kaleshwaram, kaba mynta ka la kylla long ka dak jong ka jingbamsap”, u la pynshisha.
U Myntri u la ong ruh ba ka jingsam ïa ki ïing bad ka jingïashim bynta ha ki jingïalang ka la pyndap ïa u da ka jingkmen.
“Ka dei ka jingkyrkhu ïa nga. Kan long kawei na ki por ba nga buh kyrpang ha ka jingim jong nga”, u la ong.
Ha ka por mynsngi, u Srinivasa Reddy u la plie ïa u mawnongrim na ka bynta ki Cold Storage Warehouses ha ka shnong Venkatayapalem kaba don ha Khammam Rural mandal.
Ïa kane ka jaka, kaba lah ban kit mar 9,700 metric ton (MT) la shna ha ka jinglut kaba T.15 klur.
Haba kren ha kane ka sngi, u la ong ba ka sorkar ka trei da ka thong ban pynlong ïa ki nongrep kum ki ‘syiem’.
U Myntri u la ong ba naduh ba la thaw ïa ka Telangana, ka sorkar barim ka la pynkiew ïa ka jinglah ban buh marbam da 3 lak MT ha ki 10 snem, katba ka ‘sorkar paidbah’ kaba mynta ka la sdang ban shna ïa ki ïing buh marbam palat ïa ka 5 lak MT, ban pyndep hapoh lai snem.
U la bynrap ruh ba ka Telangana State Warehousing Corporation (TGSWC) ka dang sdang ïa ka project Cold Storage ba nyngkong jong ka ha ka distrik, ha kaba yn pyndep hapoh shisnem, kaba pynlah ïa ki nongrep kiba rep ïa ki jingthung kamai ban pyndonkam ïa ka ha ka dor kaba kham duna ban ïa ki jaka treikam jong ki riew shimet.
U Myntri u la ong ba ki symbai kiba bha kiba dang sam sha ki nongrep bad u la pynskhem ba ïa ka jingeh jong ka jingduna sboh dawai, kaba la mih na ka “jingbym shimkhia jong ka sorkar pdeng”, yn sa pynbeit ha ka taïew ban wan.
U la pynkynmaw ba ki la pynlong ïa ki jingïakhih ha Delhi ban pynbiang ïa ka sboh dawai na ka bynta ki nongrep.
Ha kaba ïadei bad ka ïing, u Srinivasa Reddy u la ong ba ki sorkar kiba la leit noh ki la thok ïa kiba duk ha ka kyrteng jong ki ïing ar kamra thiah, bad bynrap ba kane ka sorkar kaba mynta ka la mang ïa 4.5 lak tylli ki ïing ha ka bynta kaba nyngkong. Ki briew kiba dang sah kiba dei hok yn sa shah ktah ha ki bynta kiba hadien, ha kaba ki ‘ïing Indiramma’ yn sa ai sa lai sien, la bynrap biang u Myntri.
Katba u Srinivasa Reddy u la pynbna ba shen yn sa buh ïa ki Godown kiba lah ban buh mar palat 5 lak metric ton kawei-kawei ha ka thaiñ Palair.
U la pynthikna ruh ba yn ai bonus ïa ki nongrep ha ka aïom Yasangi ban wan.
Ha katei ka sngi, u Myntri u la aiti ruh ïa ki Card rashon kiba thymmai sha ki longkmie kiba ïoh jingmyntoi.
