Srinagar, Risaw:
U Myntri Rangbah ka Jylla, u Omar Abdullah, ha ka sngi Ba-ar, u la pynskhem ba un iehnoh ïa ka kam ban ïa kaba ïasyllok bad ka BJP, na ka bynta ban pynïoh biang ïa ka kyrdan jylla sha ka Jammu and Kashmir Union Territory.
“Hadien ka ilekshon mynshem snem, ngi la don ka lad ban ïatylli bad ka BJP (kaba la pynlong ïa ka jingpyrshang ha u snem 2015). Lada nga kwah, ngan kynthup lang ïa ka seng BJP hapoh ka sorkar kumba leh u Mufti Sayeed uba la khlad noh kumba u la leh ha u snem 2015 bad ka Mehbooba Mufti kaba la leh ha u snem 2016. Hadien kata ruh, ka sorkar ka la lah ban thaw khlem ka jingpynkhreh ka seng BJP bad ka seng Congress bad NC ban kyrshan ïa ka PDP ban pynjngai ïa ka BJP na ka sorkar. Ki la ïasoh bad ka BJP da kaba shu ai daw ïa ka Jammu ban ïoh nongmihkhmat”. U Abdullah u la ong ha ka sorkar jong u khlem ka jingïadon bynta lang jong ka BJP,
“Ngi la ai jingïasaid sha ka Jammu. Ngi la ai ïa ka jingïasaid sha u Pir Panjal bad u Symbud Myntri Rangbah u dei na Jammu khlem da kynthup lang ïa ka BJP”.
U Myntri Rangbah u la ong ba lada la pynrung ïa ka BJP ha ka sorkar, “kin jin da la pynphai biang mardor ïa ka jinglong jylla jong ngi kum ka jingai sngewbha”.
Da kaba pynskhem ba um pat long uba kloi ban ïatylli bad ka seng BJP, u Myntri Rangbah u la ong, “Ngam long uba kloi ban leh ïa kano kano ka jingïateh kaba kum kata. Lada ka jingpynrung ïa ka BJP ha ka sorkar ka long kaba donkam ban ïoh biang ïa ka jinglong jylla, te nga long uba kloi ban hiar shuki bad ai ba uno uno u briew un shah jied kum u Myntri Rangbah namar ngam pat long uba kloi na ka bynta kata”. “Lada nga hap ban ap ban pynphai biang ïa ka jinglong jylla, ngan leh hynrei ngan ym ïasoh bad ka BJP”, la ong u Omar.
Da kaba weng noh ïa ka lynti pynkhihwin na ka bynta ban pynphai biang ïa ka jinglong jylla, u Myntri Rangbah u la ong, “Kito kiba ïathuh ïa nga balei ba phim mih sha surok ban ïakhih na ka bynta ban pynphai biang ïa ka jinglong jylla ki dei ban ïohi ïa ka jinglong jingman jong ka Ladakh”.
“Haduh katno ka snam jong ki samla phi kwah ban ïohi ba kan tuid? Ngam pat long uba la pynkhreh ïa kata. Ngin ïaleh hynrei da ka synshar paidbah bad kaba suk. Ngin ïoh ïa ka hok jong ngi hapoh ka kyndon jong ka Riti synshar bad ka aiñ hynrei ngam pat long uba la pynkhreh ban pynpra ïa ki ïing ki sem jong ki briew”, la bynrap biang u Abdullah.
