Bengaluru, Risaw:
Da ka jingdon jong ki katto katne ki distrik ha North Karnataka kiba la shah ktah ha ka jingshlei um, u Myntri Rangbah ka jylla u Siddaramaiah u la bthah ïa ki heh ophisar ba kin leit jngoh ïa ki jaka ba la shah ktah ha ka jingshlei um bad ban leh ïa ki kam pyllait im bad ai jingïarap kiba donkam. U Siddaramaiah u la bthah ruh ïa u Myntri ka tnat lum khajna u Krishna Byre Gowda bad ïa ka Chief Secretary ka Shalini Rajneesh ba kin buddien bha ïa ka jinglong jingman ha Kalaburagi haba ïohi ïa ka jingshlei um kaba la nang jur ha ka distrik.
Namar ka jingjur jong u slap ha ka distrik Kalaburagi ryngkat bad ka jingpyllait ïa ka um kaba bun na ki tyllong um Ujani bad Veera jong ka Maharashtra sha ka wah Krishna, ka jinglong jingman kaba kum ka jingshlei um ka la jyllei ha ki rud jong ka wah Bhima bad ha Bennethora.
U Myntri Rangbah u la bthah ïa ki District Incharge Secretary ba kin leit jngoh ïa ki distrik kiba la shah ktah ha ka jingshlei um, ban bishar bniah ïa ka jinglong jingman, bad ban shim ïa ki lad ki lynti kiba donkam. U la bthah ruh ïa ki Secretary jong ka tnad RDPR bad ki Additional Chief Secretary jong ka tnad Water Resources ba kin leit jngoh ïa ki jaka ba la shah ktah. U Siddaramaiah u la ban jur ruh ba ka jingbuh hakhmat eh ka dei ban pynim ïa ki jingim jong ki briew bad ki jingri jingdup, ryngkat bad ki lad jingïada kiba donkam.
U Siddaramaiah u la bthah ruh ïa ki heh sorkar ba kin pynbiang ïa ki jaka rieh tngen ba shipor ha ki jaka ai jingïarap bad ruh ban pynthikna ïa ka jingbam na ka bynta ki jingri. “Ki DC bad ki district CEO ki dei ban leit hi dalade sha ki jaka ba shah ktah ha ka jingshlei um bad shim ïa ki lad ki lynti kiba kyrkieh,” u la bynrap. Ha kajuh ka por, ki nongïalam ka BJP ha ki ar tylli ki kynhun ba la ïalam da u President ka BJP ka jylla u BY Vijayendra bad u LoP ha Assembly u R Ashoka kin leit sha ki thaiñ Kalyana Karnataka bad Kittur Karnataka ban bishar ïa ka jinglong jingman jong ka jingshlei um ha kito ki distrik.
