New Delhi, Risaw:
U Myntri Rangbahduh ka ri, u Narendra Modi, u la ïakren bad u Mallikarjun Kharge bad u la kitbok kitrwiang ïa u ba un koit noh kloi ha ka sngi Palei.
U Kharge, uba la 83 snem ka rta, u la shah sumar ha MS Ramaiah Hospital ha Bengaluru ha ka sngi Ba-ar bad la leh ïa katei ka jingsumar ha ka sngi kaba bud.Ka Priyank Kharge, ka ïathuh ba ka jinglong jingman jong u kpa jong ka, ka la kham biang bad u la kham koit.
Ha ka jingthoh ha ka rynsan X, u Modi u la ong, “La ïakren bad u Kharge. La kylli shaphang ka koit ka khiah jong u bad kitbok kitrwiang ïa u ba un koit noh kloi.” “Ka jingduwai na ka bynta ka jingkoit jingkhiah bad ka jingim kaba jrong jong u,” la ong u Myntri Rangbahduh.
