Dehradun, Risaw:
Ka jingdon jong ki nongleit ïaid riewblei kiba leit jngoh ïa ka Kedarnath Dham ka la palat ïa ki rekod ba mynshuwa jong ka, namar 16.56 lak ngut ki riewngiet kiba la tuid sha ka jaka mane blei kaba dang bteng jong ka Chardham Yatra, la pyntikna ka jingbuh jingkheiñ jong ki bor ba dei khmih.
Ka Cardham Yatra kaba la ju shah pynthut bunsien namar ki jingjia ba sngewsih ha ka por Lyiur ha Uttarakhand, mynta ka la sdang biang wat hapdeng ka jinghap slap bad ka por ba thut ka mariang.
Katkum ka jingtip kaba bniah, la ong ba ha ka sngi Balang ka jingdon jong ki nongleit ïaid riewblei na ka bynta ka Kedarnath Yatra, bad ka jingdon jong ki riewngeit kiba la leit jngoh ha ka jaka kyntang ha une u snem ka la kiew sha ka 16.56 lak ngut, kaba la palat da 4,000 ngut ki nongleit ïaid riewblei ha u snem ba la leit, ha kaba ka dang sah sa 14 sngi hashwa ban khang ka jingkhang jong ka jaka mane blei.
Katkum ka jingïathuh kaba bniah, la ong ba la antad ba ki la don kumba 19,731 ngut ki nongleit ïaid riewblei kiba la leit jngoh ïa ka Chardham bad Hemkund Sahib ha ka shi sngi haduh ka por 7 baje janmiet jong ka sngi Balang.
Ka Cardham Yatra ka la hiar naduh ka jingshah thombor ha ki Dhalali ha ka 5 tarik u Nailar bad ki jingjia ba sngewsih na ki bor ka mariang. Katto katne ngut kiwei pat ki jingjia ba sngewsih, kynthup ïa kiba don ha Dharali, Sayanaatitti bad Tharali ha Uttarakhand hapoh 20 sngi, ki la jan duh ïa ka jingleit ïaid riewblei jong ki.
Ki heh sorkar, ki la ïathuh ba ka jingdon jong ki nongleit ïaid riewblei, ka long 5,042, ka Kedarnath Temple, kaba don 5,614, ha Gangotri Shrine 6,217 bad ha Yamunotri Shrine 2,360 ngut ki nongleit ïaid riewblei, katba 498 ngut ki nongleit ïaid riewblei ki la poi ha Hemkund Sahib.
