New Delhi, Risaw:
Ka tnad ïada ri ha ka sngi Balang ka la ïasoi ïa ka jingïateh kaba la kot sha ka T. 659.47 klur na ka bynta ban thied ïa ki Night Sights (Image Intensifiers) na ka bynta ka suloi 7.62×51 mm SIG 716, ryngkat bad ki tiar ba ïadei bad kane na ka bynta ki shipai India, la ong ka jingthoh ba la wan na kane ka tnat. Ka Night Sight kan ïarap ïa ki shipai ban pyndonkam pura ha ka jingjngai jong ka suloi SIG 716 Assault Rifle.
Katkum ka jingpynbna, ki jingïohi ha ka por mynmiet da kaba pyndonkam da kine ki tiar, kan ïarap ha ka ban thew bad antad ha ka jingjngai kaba 500 meter, wat hapdeng ka miet kaba dum, bad kan nang pynbha halor ka jingpyntreikam ïa ka Passive Night Sights (PNS) kumba ka long mynta.
Ïa kane ka jingthied la kheiñ kum ka Buy (Indian-IDDM), kaba don palat 51 percent ki mar kiba paka, kaba pyni ia ka sienjam kaba kongsan sha ka Aatmanirbharata (ka jingshaniah halade) ha ka jingshna ïa ki tiar ïada ri.
Ka tnad ka la pynpaw ba kane ka jingthmu la khmih lynti ba kan kyntiew ïa ka jinglah jong ka karkhana ïada ri hapoh ka ri bad kan thaw lad na ka bynta ki karkhana kum ki Micro, Small bad Medium Enterprises (MSMEs) kiba don bynta ha ka jingshna ïa ki bynta bad ki jingpynbiang ïa ki mar rep.
Ïa kane ka jingïateh la ïasoi bad ka kynhun kaba kynthup ïa ka M/s MKU Ltd (Lead Member) bad ka M/s Medbit Technologies Pvt Ltd ha ka 15 tarik u Risaw, 2025. Ka Night Sight kan pynlah ïa ki shipai ban pyndonkam pura ïa ka bor treikam kaba kham jngai jong ka SIG 716, la ong u Assault Rif, la ong ka tnat ïada ri.
