Hyderabad, Risaw:
Ka sorkar jylla ha ka sngi Thohdieng ka la pyllait T.2,780 klur na ka bynta ki kam pynroi ha ki 138 tylli ki Municipal, khlem da kheiñ ïa kito kiba hap hapoh ka thaiñ Telangana Core Urban City. Ki heh sorkar ki la ïathuh ba 2,432 tylli ki kam yn shim da kaba pyndonkam ïa ka pisa ba la sei na ka mang tyngka bad na ka Urban Infrastructure Development Fund (UIDF).
Hapoh kane ka jingthmu, ki Municipality kiba dang shu thaw thymmai kin ïoh mar T.15 klur, kiba la don lypa kiba la shim ïa ki Gram Panchayat ba marjan kin ïoh T.20 klur, bad ki Municipal kiba la rim kin ïoh T.15 klur. Ki Municipal Corporation kiba dang shu thaw thymmai kin ïoh mar T.30 klur.
Ka tnad Municipal Administration ka la pynmih ïa ki jingbthah ban pynlut ha ki surok hapoh ka ri, ki jingtuid um, ki jingpynbha ïa ki jaka ïakynduh, ki jingpynjaboh ha ki jaka um ba don ha ka thaiñ, ki park bad ki nala. Ki kam ki dei ban pyndep ha u bnai Lber, 2026.
