Gandhinagar, Risaw:
U Myntri Rangbah duh jong ka ri, u Narendra Modi, ha ka sngi Thohdieng, ula ai burom bad ber da ki syntiew ha u mot sah kynmaw jong u Sardar Vallabhbhai Patel, ba la nam da u Statue of Unity ha Gujarat, ha ka jingrakhe ïa ka shikha kaba 150 snem jong ukum u Myntri banyngkong jong ka tnat ki kam pohïing ka ri India.
Ïa kane ka sngi kha jong u Patel la rakhe kum ka Rashtriya Ekta Diwas (National Unity Day) ha ka 31 tarik u Risaw naduh u snem 2014, ha ka por ba u Modi u la long Myntri Rangbahduh ha ka sien kaba nyngkong.
U Modi, u la poi sha ha ka jaka ba la buh ïa u mot jong u Patel, uba jrong 182 meter, hajan Ekta Nagar, ha Gujarat, Narmada distrik, ha ka por mynstep bad ula ai burom ïa une u radbah bad u khlawait jong ka ri, da ka dak jong ka jingbuh syntiew.
Kumba ka long mynta u snem ka jingrakhe ïa ka Ekta Diwas jong ka Rashtriya ka kynthup ïa ka tamasa kolshor bad ka National Unity Day Parade da ki pulit bad ki shipai. Nangta u la leit sha kawei ka jaka kaba jan ha kaba la buh por ban pynlong ïa ka jingshim kular Ekta Diwas sha ka jingïalang bad ban sakhi ïa ka Rashtriya Ekta Diwas Parade.
Ka Rashtriya Ekta Diwas Parade, kaba dei ka jingpynbyrngia kaba kongsan jong ki jingrakhe, ka don ïa ki kynhun shipai kum ki BSF bad CRPF, bad ki kynhun pulit bapher bapher jong ka jylla.
Kumba la sakhi, mynta u snem la ong ba ka jingrakhe ka long kaba kham kyrpang da ka jingdon ka Parade ïa kaba la pynlong ha ka jaka ba ju pynlong ïa ka Republic Day Parade.
