Nongstoin, Naiwieng 06
Ka kynhun ïalehkai jong ka Health Department-A bad ka PHE & Education Combine ki la long ki lahduh ha ka 2nd Inter Office Futsal Tournament 2025 ba la pynlong da ka Futsal Association of West Khasi Hills District.
Ha ka jingïakhun final jong ki shynrang, ka Health Department-A ka la pynliem noh ïa ka 4th MLP Battalion Sohpian-A lyngba ka tie-breaker da 2-1 kol hadien ba kine ki kynhun ki la ïakhaid shi kol haduh kaba kut ka jingialehkai kaba la long ha ka sngi Palei ha Leonel Futsal Arena, Pyndengrei.
Haba phai sha ka jingïakhun jong ki kynthei, ka PHE & Education Combine ka la jop da 1-0 kol ïa ka 4th MLP BN Sohpian.
Ha kane sngi pynkut ïa kane ka lympung, la la don lang u Bah Lamkupar Sohlang, Divisional Offi-cer ka tnat Soil & Water Conversation, Nongstoiñ kum u u kongsan, ha ka jingdonlang ruh u Bah Kordorsing Kharshiing, AS&WCO jong ka Soil & Water Conversation, Nong -stoiñ kum u symbud kongsan, u President ka synjuk u Bah Banskhem -lang Wahlang, bad kiwei kiwei kiba la sam ruh ia ki khusnam sha kine ki kynhun.
