Jowai, Naiwieng 07
Ka Khimusniang ka la pynliem noh ïa ka Nangbah Mulang da 3-2 kol na ka bynta ban khur ïa ka jingjop ha ka Super Division Football Tournament 2025 na ka bynta ka 17th Kiang Nangbah Memorial Trophy ba la pynïaid da ka West Jaiñtia District Sports Association (WJDSA).
Ha kane ka jingïalehkai kaba la long ha ka sngi Thohdieng ha Kiang Nangbah Stadium, ka Khimusniang ka la ïoh ban thep ar kol ha ka kylla step lyngba u Mediphrang Pohleng ha ka minit kaba 19 bad u Wanbiang Passah ha ka minit ba 25. Hynrei ka Nangbah Mulang ka la lah ban pynphai kylla shi kol lyngba u Shanhok Siangshai (45+2).
Hadiej katto katne por u Wanbiang u la pynbud biang ïa ka kol kaba ar jong u ha ka minit ka kaba 68 na ka bynta ban tam da 3-1 kol. Hynrei ka Nangbah Mulang ka la lah ban pynphai biang ïa ka kol kaba ar lyngba u Charming Sungoh (79) hashwa ba kan mad ïa ka jingshah rem.
