Patna, Naiwieng:
Ki pulit ka Bihar, ki la pynsaphriang ïa ka jingmaham ha kylleng ka jylla, hadien ka jingbthei bom ha kali ha New Delhi, ha ka lah sngi U Blei.
U Director General of Police ka Bihar, u Vinay Kumar, u ïathuh ba la bthah ïa baroh ki Police Station, ba kin peitngor bha, hadien ka jingbthei bom ha Delhi, kaba la pynïap ïa ki 8 ngut ki briew bad katto katne ngut kiwei pat, ki la mynsaw.
“Ka jylla ka la don lypa ha ka jingpynkhreh haba peit ïa ka ilekshon sha ka ïing dorbar thawaiñ. La ai jingbthah ïa baroh ki heh pulit jong ki distrik ba kin shim ïa ki lad jingïada hapoh ki jaka treikam jong ki. Ki heh pulit ki dang buddien bha ïa ki jingtreikam”, u la ong ha ki lad pathai khubor.
U DGP Kumar u la kyntu ïa ki nongthep vote ba kin pyndonkam ïa ka hok jong ki khlem jingtieng.
Ka jingpynbiang ïa ki pulit bad ki shipai ka sorkar pdeng la pynlong ha ki jaka thep vote ha kylleng ki 122 tylli ki Assembly konstitwensi kiba leit sha ki jaka thep vote ha ka bynta kaba ar ha ka sngi Ba-ar.
Ka jingthep vote kan long hapoh ki jingpynbeit ba pyrkhing bha, u la bynrap.
Ki pulit pynlip ding ki la don ha katei ka jaka hadien ba ka la jia ka jingbthei ha kawei ka kali kaba ïeng hajan ka Red Fort, kaba la pynlong ïa shibun ki kali ban ing, ha New Delhi, ha ka lah sngi U Blei, ka 10 tarik, Naiwieng.
“Ka jingpahara ha ki konstitwensi ha ki distrik khappud ha khappud India-Nepal ka la nang jur bha, bad ki briew kiba rung na ka liang ka Nepal ki shah peitngor bha da baroh ar ki pulit ka Sashastra Seema Bal (SSB) bad ki pulit jong ka jylla”, la ong uwei u heh pulit.
U la bynrap ba ïa u pud u sam jong ka jylla bad ka Nepal la dep ban khang kum ka lad jingïada.
Ka jingpahara kaba kham jur ka dang ïaid ha ka thaiñ Seemanchal, kaba don marjan bad khappud ka Nepal bad Bangladesh, la ong u ophisar uba kwah ban pynpaw kyrteng.
Ka jingthep vote ki la long ha ki 24 tylli ki Assembly Seat jong ka thaiñ Seemanchal, kiba kynthup ïa ka Kishanganj, Purnea, Katihar, bad Araria, ha ka sngi Ba-ar.
