Shillong, Naiwieng 16
Ka kynhun ïalehkai ka Meghalaya ka la pynliem noh ïa ka Nagaland da 8 wiket n aka bynta ban khur ïa ka jingjop kaba ar ha ka lympung ïalehkai U-23 men’s State A Trophy 2025-26 kaba la long ha ka sngi Saitjaiñ ha Mohali.
Ka Meghalaya kaba la jop ïa ka jingkynting pisa (toss), ka la ailad shwa ïa ka Nagaland ba kan tied nyngkong, ha kaba ka la lah ban pynhap wiket lut ki nongtied hadien ba ka la kamai tang 85 ron na ki 31.1 over.
Haba la dei pat ka pali ban wan beh ïa kane ka thong, ka Meghalaya ka la lah ban kynjoh sha ka thong ha ki 23.2 over bad shah pynhap tang ar wiket.
Na ka liang ki nongtied ka Nagaland, u Raja Swarnkar marwei u la lah ban kamai 25 ron, bad na ka liang ki nongkawang bol u Chandra Bahadur Thapa ka Meghalaya u la lah ban lamkhmat ïa ka kynhun ban khur 3 wiket na ka bynta 9 ron na ki 5.1 over, ïa kaba la bynrap lang da u Shavian Blah 3/20 na ki 6 over, u Gavineal Marpna 2/9 na ki 8 over, bud pat sa u Pushkar Raj Singh bad u Denikcheng Marak kiba la ïoh ban khur mar shi wiket.
Ha ka jingwan ban beh pat ïa ka thong, u Dipankar Baruah bad u Thunun Marak, ki la lah ban ïalehkai bha bad baroh arngut ki la ban kamai 50 ron na ki 15 over, kaba ha kaba sdang la I kumba kine baroh arngut kin lamkhmat beit ma ki ban pynjop ïa ka kynhun, ïa kaba kane kam shim la urlong hadien ba u Dipankar u la shah pynkhyllem nobh hadien ba u la lah ban kamai 33 ron bad hadien kane, la shah pynhap wiket sa u Shavian, ba khlem lah satia ban kamai ron.
Pynban u Thunun (29 not out na ki 67 balls) bad Md Ashif Khan (16 not out na ki 16 bol), ki la seng ïa ka nongrim ban kamai ron kaba 27 ron na ka bynta ban lah ban pynpoi ïa ka kynhun sha ka thong jong ka jingjop da kaba suk.
Da kane ka jingjop, ka Meghalaya ka sah sa kawei pat ka jingïakhun ba kan pyndep pyrshah ïa ka Mizoram ka ban long ha ka lah sngi U Blei ha Chandigarh.
