Shillong, Naiwieng 17
Ka kynhun ïalehkai kriket ka Meghalaya ka la lah ban tam da 250 ron pyrshah ïa ka Manipur, ha ka lympung ïalehkai Ranji Trophy 2025-26, ha ka sngi kaba ar jong ka jingïakhun kaba la long ha Surat ha ka lah sngi U Blei.
Ka Manipur ka la lah ban kamai mynta 180 ron hadien ba ka la shah pynhap noh 4 wiket, kaba long hadien ba ka Meghalaya ha ka pali wan tied ba nyngkong jong ka, ka la lah ban kamai haduh 430 ron hadien ba ka la hap baroh ki wiket.
Ha kane ka jingïakhun jong ka sngi kaba ar, ka Meghalaya kaba la lah lypa ban kamai 359 run bad shah pynhap 5 wiket, ka la lah ba kan kamai sa 71 na ki 5 wiket kiba dangsah jong ka. Kane ka la wan hadien ba u Kush Agarwal bad u Swastic Chettri, kiba long ki arngut ki nongtied kiba kynsai ban wan bteng ïa ka pali jong ki, hynrei ki la shah pynkhyllem noh hadien ba ki la lah ban kamai 34 bad 18 ron, katba u Aryan Borah u la kamai 23 ron.
Na ka liang ki nongkawang bol ka Manipur, u Johnson Singh (2/34), Ajay Singh (2/51), Jotin Pheiroijam (2/58) bad Bishworjit (2/77), ki la ioh ban khur mar ar wiket.
Haba la wan ban sdang pat ïa la ka pali tied ba nyngkong, ka Manipur ka la shem jingeh bha hadien ba ka la shah pynhap noh 4 wiket na ka bynta 93 ron, pynban ka jingkamai ron paralok kaba 82 ron na ka bynta ka wiket kaba saw hapdeng u AL Bashid (52 not out) bad u Priyojit (49 not out), ki la dem ïakhun tyngeh tad haduh ban khlem da hap wiket shuh haduh ba kut jong kane ka sngi.
Na ka liang ki nongkawang bol ka Meghalaya, kiba la ïoh ban khur ki saw wiket ki long u Akash Chaudhary (1/30), Chengkam Sangma (1/31), Aryan (1/34) bad u Swastic (1/47).
