Jowai, Naiwieng 17
Ka Larnai SC ka la rung sha ka final ha ka lympung ïalehkai 1st Division Football Tournament ba la pynïaid da ka Thadlaskeiñ Sports Association (TSA), hadien ba ka la pynliem noh ïa ka Ummulong SC da 3-1 kol ha ka lah sngi U Blei.
Ha kane ka jingïakhun semi final kaba la long ha Multi Sports Complex kaba ha Wahïajer, ka Ummulong ka la khur jar tang ha ka minit kaba 3 lyngba u Lamphrang Dkhar, hynrei u Ïaidonryngkat Shadap u la lah ban pynphai kylla shi kol ha ka minit kaba 10 na ka bynta ban pynïakhaid ïa ka Larnai.
Hadien ba la bteng biang ïa ka jingïakhun jong ka kylla miet, ka Larnai ka la ïoh ban thep kol biang lyngba u Remember Khongïong ha ka minit 70. Hashwa ban wai artad u Ïaidonryngkat u la thep biang sa shi kol ha ka minit kaba 80+2 na ka bynta ban khur syndon ïa ka jingjop.
Kawei pat ka jingïalehkai semi final kaba ar ka ban long ha ka sngi Ba-ar kan long hapdeng ka Khliehtyrshi SC pyrshah ïa ka Nongkhroh Mawsiang SC.
