Shillong, Naiwieng 20
Ka Lawsohtun SC ka la pynkut ïa ka jingïaid lynti ha ka SSA 1st Division Football League 2025 da ka jingjop kaba nyngkong eh, hadien ba ka la pynliem noh ïa ka Nongkrem SC da 3-1 kol ha ka sngi Palei.
Kane ka la wan urlong lyngba ka hat-trick ba la khur da u Khlaiñbor Sohtun, uba la thep ha ka minit kaba 10, 58 & 76. Katba na ka Nongkrem la thep da u Balajied Lyngwa (30).
Da kane ka jingjop ka Lawsohtun ka la ïaryngkat mar 5 poiñ lem bad ka Nongrah SC, hashwa ba kin ïahiar noh syndon na kane ka kyrdan sha ka Second Division.
