Ukraine, Naiwieng:
Ka Ukraine ha ka Sngi Palei, ka la ong ba ka la ïoh pdiang ïa ka “Sraft Plan” lane ki jingpynbeit bad jingthmu jong ka US ryngkat bad ki jingtyrwa ban pynkut noh ïa ka thma jongka bad ka Russia bad u la ong ba ka Ukraine ka long ba la pynkhreh ban ïakren bad ka US halor kaba iadei bad kane ka kam.
“U President ka Ukraine, u la ïoh pdiang da kaba tikna ia ki jingthmu bad jingpynbeit na ka liang jong ka America, kaba katkum ka jingkheiñ jong ka liang jong ka America, ka lah ban pynkhlaiñ ïa ka jingïadei kam,” ong ka ophis jong u Volodymyr Zelensky ha ka kyrwoh.
Ka Ukraine kam shym la pynpaw ïa ki jingdon jong katei ka jingthmu, kaba katkum ki jingtip ba bniah ba la ai sha ki tnat pathai khubor kiba tip bha ïa katei ka kam, ka la paw ba ka pynkynmaw ïa kiba bun ki jingdawa ba heh tam jong ka Russia ban pynkut noh ïa ka thma.
Ki kynthup ia ka Ukraine kaba ai jaka sha ka Russia bad kaba buh kyndon ia ka jingbun ki shipai jong ka.
Hadien ka jingïalang bad ki heh shipai jong ka US ha Kyiv, ka ophis jong u Zelensky ka la ong, “La mynjur ban trei halor ki mat jong ka plan ban pynthikna ïa ka jingpynkut kaba donburom ïa ka thma.”
Shuh shuh ruh ka Ukraine ka la pynpaw ba ka dang ap khmih lynti ia ka jingïakren kaba pura hapdeng u Zelensky bad u Trump ha kine ki sngi ban wan bad ka ban wanrah jingmyntoi ia ka Ukraine bad ba kan lait noh ruh na ki kynrum kynram bad ki jingbym shngaiñ kumba ka long mynta, namar jong ka jingleit hiar thma ba khah- khah jong ka Russia bad ka bym ju lah ban tip.
