Jowai, Naiwieng 27
Ka Demthring ka la khur jingjop ha ka Super Division Football Tournament na ka bynta ka 17th Kiang Nangbah Memorial Trophy ba la pynïaid da ka West Jaiñtia District Sports Association (WJDSA), hadien ba ka la pynliem noh ïa ka Nangbag Mulang da 4-1 kol ha ka sngi Palei.
U Primrose Lamat u la ïoh ban thep ar kol ha ka minit 23 & 90+1, katba ïa kiwei pat la pynbud da u Forman Khongsit (31) bad u Pyndep Biam (90+6). Na ka liang ka Nangbah Mulang ka la lah ban pynphai kylla shi kol lyngba u Wordrick Susngi ha ka minit 36.
