Chandigarh, Nohprah:
Ki pulit jong ka Haryana ki la khynra ïa ki 707 tylli ki jaka ba la ithuh ha kylleng ka jylla bad ki la kem palat 160 ngut kiba shah kynnoh tang ha ka shisngi, namar ba ki pynlong ïa ka jingpyntreikam kaba jur bha ban pynkhlain ïa ka jingtreikam ka aiñ na ka bynta ban wanrah ka shongsuk shongsaiñ, ong ka kyrwoh khubor ba la pyllait paidbah ha ka sngi Palei.
Ha kane ka jingpyntreikam ba kyrpang, kaba la ai kyrteng ‘Operation Hotspot Domination’, kaba la sdang ha ka lah sngi U Blei, ki kynhun pulit bapher bapher ha ka sngi Palei ki la pynlong ïa ki jingleit khynra ha kine ki thaiñ kiba don ha kylleng ka jylla.
Ha ka jingpyntreikam, ki pulit ki la ïakhun pyrshah ruh ïa ka kynhun jong ki nongkhaïi drok.”Ki kynhun pulit ki la kurup shibun ka kyiad be-aiñ ha kylleng ka jylla, kynthup ïa 839 tylli ki bilor kyiad ba la shna ha ka ri, bad kiwei kiwei ki kyiad be-aiñ, kiba la ïoh kurup haduh palat 1,000 bilor baroh,” la ong ka khubor.
Nalor kata, la pynkhlaiñ ïa ka jingïatreilang hapdeng ki jylla bad ki jylla ba marjan da kaba ïasam ïa ki 15 tylli ki kaiphod wad bniah kiba kongsan ban khanglad ïa ki nongleh kam sniew ban pyndonkam bakla ïa ki pud ki sam jong ki jylla.
