Thiruvananthapuram:
Ki la don palat 10,000 ngut ki koidi kiba la shah set ha ki phatok ha kylleng ka jylla Kerala kiba yn ym shah kynthup ha ka jingshah pyntreikam ha ka Special Intensive Revision (SIR) kaba dang ïaid shakhmat jong ki thup kyrteng jong ki nongthep vote, la ong ka ophis treikam jong u heh ba dei khmih ha ki kam ilekshon. Ki kyndon jong ka SIR kim shym la kdew kumno la pyllait ïa kane ka jingpyntreikam ïa ka rukom treikam ha kaba ïadei bad ki koidi.
Ki heh ophisar kiba don ha ka ophis jong u CEO-Kerala ki la ong ba ïa ki koidi kin ym pyrkhat na ka bynta ka SIR namar ba kim dei ki ‘nongshong shnong ba thikna’ jong ka jaka sah jong ki namar ba ki don ha phatok.
Kin hap ban aplai biang ban ïoh rung ha ka thup kyrteng thep vote ynda la pyllait ïa ki, la ong ki heh sorkar bad bynrap ba ïa ka jingbit jingbiang yn rai da u Electoral Registration Officer (ERO).
Haduh ka 20 tarik u Risaw, Lber, ki don palat 10,053 ngut ki koidi, 9,802 ngut ki shynrang bad 251 ngut ki kynthei, kiba la set ha ki 57 tylli ki jaka set phatok ha ka jylla.
Kine ki kynthup ïa 4,598 ngut ki koidi ba shah set phatok, 1,130 ngut kiba dang shah bishar bad 4,004 ngut kiba shah rai pynrem. Da kaba pyntreikam katkum ka thup kyrteng jong ki nongthep vote haduh ka 27 tarik u Risaw, ka jingpyntreikam ïa ka SIR ha ka jylla ka la sdang naduh ka 4 tarik u Naiwieng.
“Ki kyndon jong ka SIR ki kdew tang ba ki briew kiba la palat 18 snem, kiba dei ki nongshong shnong ba thikna jong ka jaka sah jong ki, bad lym kumta kim shah pynduh ban thep vote, ki lah ban shah kynthup ha ka jingpyntreikam”, la ong uwei u heh ophisar uba don ha ka ophis jong u CEO.
“Da ki kyndon kiba mynta, baroh ki koidi kiba la shah rai pynrem, ki koidi kiba la set phatok bad kiwei kiwei, kin shah weng noh na ka jingpyntreikam”, la ong u heh sorkar.
“Haba u/ka briew u shah set phatok, um shah ban thep vote. Hynrei yn ym weng ïa ka kyrteng jong ki na ka thup pynrung kyrteng.
Haduh ka 20 tarik u Risaw, ki don palat 10,053 ngut ki koidi kiba la set ha ki 57 tylli ki jaka set phatok ha ka jylla.
Hynrei namar ba ki jinglong jingman ki ïapher hangne bad ïa ki koidi ym lah ban kheiñ kum ki ‘nongshong shnong ba rit paid’ jong ka jaka sah jong ki, ngim don ka kyndon aiñ ban pynrung ïa ki ha ka jingpyntreikam ïa ka SIR,” ong u heh sorkar.
“Kin hap ban apply biang kum u nongthep vote bathymmai ban long shi bynta jong ka thup nongthep vote, kaba ka rai ba khatduh jong ka ka shong ha ka ERO,” la bynrap shuh shuh u heh sorkar.
Haba kren halor kane ka mat, u nongthoh bad u nongïakhih na ka bynta ka hok jong ki paidbah u M N Karassery u la ong ba kane ka dei ka jingkyntait lut ïa ka hok synshar paidbah.
“U briew, teng teng u koidi ba la set phatok, lah ban lap ba um don pop hapoh ki taïew ne ki bnai hadien ba la kem bad set phatok ïa u. Kam pher la ki thep vote ne em, hynrei hato kim dei ban don ïa ka kyrteng jong ki ha ka thup jong ki nongthep vote?” u la ong da kaba bynrap ba kane ka lah ban don ka jingktah kaba slem bha.
“Ha ri India, u briew u lah ban ïakhun ilekshon wat lada u don ha phatok ruh. Hynrei lada phi don Off the Electoral roll, ka hok jong phi ban ïakhun ha ka ilekshon ka lah ban long”, u la ong ha kawei na ki lad phah khubor.
