Bengaluru, Nohprah:
Ki la don kumba katto katne tylli ki skul ha Amritsar kiba la ïoh ïa ki khubor byrngem lyngba ka email ban shah pynbthei bom ha ka sngi Thohdieng, kaba la pynlong ïa ki khynnah skul ban shah pynkynriah bad pynlong ïa ki bor synshar ban sdang ïa ki jingpeit bniah pyrshah ïa ki jingthmu thombor. Ki kmie ki kpa kiba la sngewtieng ki la mareh sha ki skul ban leit shim ïa ki khun jong ki katba ka bor pynïaid ka la hukum ban khang lut ïa baroh ki skul ha kylleng ki jaka jong ka Amritsar.
“Ki katto katne ki skul ha kylleng ka nongbah bad ki jaka nongkyndong ki la ïoh ïa ka email kaba suba. La buh ïa u Gazetted Officer ha man la ki skul bad ki jingpeit bniah pyrshah ïa ki jingpynjot ki dang ïaid shakhmat.
Ha ki por ba la leit, la lap ba ki don katto katne ngut ki samla pule kiba donkti ha kum kane ka “jingleh bymman”.Ym donkam ban tieng namar ki pulit ki long kiba la pynkhreh pura, la ong u ophisar.
Kham mynshwa, la kem ïa uwei u khynnah skul jong ka DAV Public School na ka thaiñ namar ba u la phah ïa ka email ban byrngem pynbthei bom ha ka skul jong u. La pyllait noh ïa u hadien ba ma u bad ki kmie ki kpa jong u ki la aiti ïa ka jingthoh panmap.
