Shillong, Nohprah 28
U President ka Shooting Association Of Meghalaya (SAM) Bah John F. Kharshiing u la shah jied kum u Vice-President ka National Rifle Association of India (NRAI) bad u Bah Neil Sootinck u la shah jied kum u dkhot ka Executive Committee jong katei ka synjuk.
Kane ka jingshah jied ka la wan hadien ka jingïalang (General Body) jong ka NRAI kaba la long dangshen ha Zirakpur, District Mohali, Punjab. Ha katei ka jingïalang la lah ban jied ïa baroh ki dkhot kiba thymmai jong katei ka synjuk na ka bynta ka samoi treikam kaba saw snem (2025-2029).
Te kumta kine ki nongïalam kiba thymmai kin pynïaid ïa ki kam ki jam jong kane ka synjuk khnang ban kyntiew ïa kane ka jingïalehkai ha kylla ka ri India ha kine ki saw snem ban wan. Ka NRAI ka dangïai bteng ban kyntiew ïa kane ka jingïalehkai hapoh ka ri bad wat shabar ri ruh kumjuh bad ban wanrah ka jingkhuid ha ka rukom treikam.
Te kumta na ka liang ka Shooting Association of Meghalaya lyngba ka kyrwoh ba la pyllait da u Media Secretary Bah Nicholas J J Nongkhlaw, la ong ba ka synjuk ka la ai khublei kitbok ïa ki dkhot nongkitkam kiba thymmai ba kin lah ban pynthyllun ïa ki kam ki jam ha kine ki saw snem ki ban wan.
