Shillong, K’Lyngkot 16
Ka Shillong Sports Association (SSA) ka la wan shakhmat ban pynbna na ka bynta ban sdang ar tylli ki lympung ïalehkai jong ki heprit ïa kaba la tip kum ka Under-12 bad ka Under-14 Football Tournament kiba la thmu ban sdang naduh ka 21 bad 22 tarik mynta u bnai.
Ha ka Under-12 ki don 20 tylli ki kynhun ïa kaba la phiah ha la ki jong ki group. Ha ka Group-A ki long ka Shillong Lajong FC, Marbisu SC, Laitkyrhong SC, New Challenger & Diengpasoh SC. Ha ka Group-B ki long ka Rangdajied United FC, Mawshbuit SC, Umpling SC, Pynthorbah SC & Nongkohlew SC. Ha ka Group-C ki kynthup ïa ka Langsning FC, Smit SC, Summit Academy, Sohïong SC & Nongthymmai Nongkynrih SC. Katba ha ka Group-D ki long ka PFR FA, Umphyrnai SC, Lumshyiap SC, Mawlai SC & Nongthymmai SC.
Ki kynhun ki ban ïakhun ha ka 21 tarik mynta u bnai kin long hapdeng ka Shillong Lajong pyrshah ïa ka Marbisu, kumjuh ka Laitkyrhong ïa ka New Challenger, ka Rangdajied ïa ka Mawshbuit bad ka Pynthorbah ïa ka Umpling.
Haba phai sha ka Under-14 ki don 23 tylli ki kynhun ki ban shim bynta. Ha ka Group-A ki long ka Mawkhar SC, Marbisu SC, Mawshbuit, Smit, PER FA & Rangdajied United. Ha ka Group-B ki long ka Umphyrnai, Summit Academy, Shillong Lajong, Laitkyrhong, Nongrah & Mawtawar. Ha ka Group-C ki kynthup ïa ka New Challenger, Nongthymmai, Pynthorbah, Sohïong, Langsning & Mawlai. Katba ha ka Group-D ki long ka Lumshyiap, Nongkohlew, Nongthymmai Nongkynrih, Umlyngka & Diengpasoh.
Ki jingïakhun ha ka 22 tarik kin long hapdeng ka Mawkhar pyrshah ïa ka Marbisu, ka Mawshbuit ïa ka Smit, PFR ïa ka Rangdajied, ka Umphyrnai ïa ka Summit Academy, Shillong Lajong ïa ka Laitkyrhong, Nongrah ïa ka Mawtawar, ka New Challenger ïa ka Nongthymmai bad ka Pynthorbah ïa ka Sohïong.
