Shillong, K’Lyngkot 16
Ka Laitkor SC bad ka Rangdajied United FC ki la jam sha ka semi final ha ka lympung ïalehkai Women’s Football League 2026 ba la pynïaid da ka Shillong Sports Associa-tion, hadien ba ki la khur jingjop ha ka sngi Thoh-dieng ha SSA Stadium kaba ha First Ground, Polo.
Ha kane ka jingïakhun quarter final, ka Laitkor SC ka la pynjem khnap haduh 10-0 kol ïa ka Umrynjah SC. Ka Ïaraplang Nongrum ka la thep marwei haduh saw kol ha ka minit kaba 6, 59, 62 & 64, kumjuh ka Tracy Rympei ka la khur ïa ka hat-trick da kaba thep ha ka minit kaba 17, 23 & 41. Katba ïa kiwei pat ki kol la thep da ka Darishisha Kharlyngdoh (9), Ribahunshisha Kharshiing (37) bad ka Saralin Warlarpih (38).
Haba phai sha kawei pat ka jingïakhun quarter final, ka Rangdajied United ka la pynliem noh ïa ka Lawei SC lyngba ka tie-breaker da 4-3 kol.
Ha kane ka jingïakhun baroh ar ki kynhun ki la ïoh ban thep mar shi kol. Ka Lawei ka la pynkhih jar nyngkong lyngba ka Darishisha Ladong ha ka minit kaba 17. Hynrei ka Rangdajied ka la lah ban pynphai kylla lyngba ka Eiladki Ksoo ha ka minit kaba 46.
Kiwei pat ki jingïa-khun quarter final kin long ha ka sngi Saitjaiñ ha kaba ka Lumparing SC pyrshah ïa ka Nong-thymmai SC ha ka por 11 baje mynstep, katba ka PFR FA ïa ka New Challenger FA ha ka por 1:30 baje mynsngi.
