Shillong, K’Lyngkot 22
Ka Archery Association of India (AAI) ka la pynkhamti ha ka Archery Association of Meghalaya (AAM) ba kan pynlong ïa ka Khelo India – NTPC City Open Archery Tour-nament 2026, ka ban long ha ka 31 tarik mynta u bnai ha Archery Range jong ka SAI, STC, Shillong.
Ha kane ka lympung yn kynthup ïa baroh lai tylli ki kyrdan jingïakop kiba kynthup ïa ka Recurve, Compound, bad ka Indian Round na ka bynta ki shynrang bad ki kynthei.
Ka Khelo India – NTPC City Open Archery Tournament ka thmu ban plie lad ïa ki khynnah kiba dangrit ba kin ïoh ban ïashim bynta bad ruh ban kyntiew ïa ki sap ïalehkai. Te kumta ka Archery Association of Meghalaya ka thmu ban pynthikna ba kan pynlong ïa kane ka lympung ïalehkai kaba jop da kaba bud ryntih ïa ki jingbthah jong ka Archery Association of India.
Shuh shuh, la pyntip ba ki jingïashim bynta ki plie lad ïa baroh ki nongsiat khnam na ka Jylla.
La bthah ïa baroh kiba don jingthmu ban shim bynta ba kin phah ïa ki jingai jingtip District Archery Associations bad ruh ban ïoh ïa ki jingtip kiba bniah.
