Shillong, K’Lyngkot 22
Ka Cluster CC bad ka Metallica Rising ki la rung sha ka final ha ka lympung ïalehkai Second Division Shillong Cricket League 2026 ha ka sngi Palei.
Ha ka jingïakhun semi final kaba la long ha ka sngi Palei, ka Cluster ka la pynliem noh ïa ka Lagan 2.0 da 81 run. Ka Cluster ka la kamai 212 run bad shah pynhap 7 wiket ha ki 20 over. Hynrei haba wan beh ïa ka thong, ka Lagan ka la shah pynkhyllem baroh ki nongtied bad kamai tang 131 run ha ki 14.4 over.
Haba phai sha kawei pat ka jingïakhun kaba ar, ka Metallica Rising ka la jop da 64 run ïa ka Matrisangha. Ka Metallica ka la kamai 174 run bad shah pynhap 9 wiket ha ki 20 over. Hynrei ka Matrisangha ka la kamai tang 111 run ha ki 15.4 over.
