Guwahati, Rymphang:
Ki la don kumba 15 ngut ki nong Bangladesh kiba leit buhai shnong ki la shah beh noh na Assam, ong u Myntri Rangbah ka jylla u Himanta Biswa Sarma. Hynrei um shym la kdew ïa ka distrik ha kaba kane ka la jia.
“Nga leh ïa kaei kaba nga ong, MAN KA POR! Kumta haba nga ong, ngin ïaleh pyrshah ïa ki nongrung beaiñ, ngi kyrshan ïa ka da ki kam kiba tyngeh,” la ong u Sarma ha ka jingthoh ha ka rynsan X ha ka sngi Saitjaiñ. “15 ngut ki nong Bangladesh kiba rung be-aiñ ki la shah pynphai biang sha ka jaka ba ki dei ban don. Ka jingthmu jong ngi ka dang ïai bteng… ,” bynrap biang u Sarma.
Ka sorkar Assam ka la pyntreikam da kaba tyngeh ïa ki nongbuhai shnong beaiñ na Bangladesh, da kaba pynphai biang ïa ki nongwan buhai shnong lyngba ki khappud jong ka bad ka ri ba marjan.
