Guwahati, Lber:
Kumba la ïoh jingtip, la ong ba ki la don lai ngut ki khynnah rit kiba la jah rngai na Harichandrapur kaba hap hapoh jong ka Maibang Police Station ha Dima Hasao distrik jong ka Assam naduh ka 1tarik Lber, la pynthikna kiba haïing.
Kine ki khynnah kiba la jah rngai ki dei kiba la tip kyrteng kum u Ronu Kurmi (12), u Sanju Ghatuar, bad u Aman Kurmi (9). Katkum ka jingïathuh jong ki bahaïing jong ki, ïa kine ki khynnah ym shym la lap shuh naduh ka por mynstep, kaba la pynlong ïa ki nongshong shnong jong katei ka thaiñ ban sngewkhia.
Ki bahaïing ki la kyrpad ïa ki paidbah ban ïarap ban wad ïa kitei ki khynnah. La kyrpad ïa kino kino kiba don jingtip ha kaba ïadei bad ka jaka sah jong ki ba kin sngewbha ban Phone mardor ha une u number 9365452804.
La pyntip sha ki pulit jong ka thaiñ, bad ka jingpyrshang ka dang ïaid shakhmat ban wad ïa ki khynnah kiba jah.
