Guwahati, Lber:
Ka kynhun 66th Battalion of Border Security Force (BSF) ha ka 2 tarik u Lber ka la pynduh pyndam ïa ka jingthmu ban khaïi beaiñ ïa ki kam khaïi pateng ha ka thaiñ Bhogdahar ha shilynter ka khappud India bad Bangladesh ha Dhubri distrik jong ka Assam.
Kum shi bynta ban leh ei ei hadien ba la ïoh jingtip na ki khubor jong ka kynhun pahara ha ki bynta khappud, ki shipai BSF ki la bat ïa uwei u briew uba la ishan khmat hajan ka jingker khappud ha ka thaiñ Bhogdahar.
Hadien ka jingkhynra bad talasi, ki shipai ki la lap 25 tylli ki bilor kyiad ba la shna da ka ri India bad ar tylli ki pla heh kiba don shibun ki bom pataka.
Une u briew uba la shah kynnoh u dei uba la tip kyrteng kum u Adam Ali u khun jong u Ajgar Ali ba la khlad noh uba shong ba sah ha Dighaltari Part-I kaba hap hapoh ka Patamari ha Dhubri distrik.
Ka jingpeit bniah ba nyngkong da ki heh ka tnad pahara ka pyni ba ki mar ba la kurup ki lah ban long kiba la thmu ban kit be-aiñ sha shiliang u pud u sam jong ka pyrthei sha Bangladesh, ha kaba la ïathuh ba kum kine ki mar ki kham heh dor ha ki ïew ki hat.
Hadien ka jingshah kem jong u, ïa une u briew ryngkat bad ki mar ba la ïoh kurup la aiti noh sha ki pulit ka Dhubri Sadar ban leh ïa kaba donkam katkum ka aiñ.
U Officer-in-Charge u Pritam Das u la pynthikna ba la mudui ïa ka mukotduma kaba pura bad ba une uba shah kynnoh u don mynta ha kti jong ki pulit.
Ki heh pulit ki la pynpaw ba ka jingtohkit ka dang ïaid shakhmat ban pynthikna la une u briew u treikam laitluid ne kum shi bynta jong ka kynhun khaïi tuh kaba kham heh kaba treikam ha ki bynta jong ka Patamari bad Bhogdahar.
Ka Bhogdahar belt ka la long kaba la shim ba ka long kaba lah ban shah ktah ha ka jingkhaïi be-aiñ sha shiliang pud, kynthup ïa ka jingkhaïi masi bad ki jingdih pynbuaid.
Ka jingkem kaba khatduh ka pynpaw ïa ka jingkylla jong ka jingleit jingwan jong ki mar ba long be-aiñ ha katei ka thaiñ bad ka jingbteng ban peitngor kaba la pynneh da ki shipai pahara ha ki bynta khappud.
Ki bor pahara ha ki bynta khappud, mynta ki la bteng ban pynjur ïa ka jingpahara ha ki bynta khappud khnang ban lah ban khanglad ïa kum kine ki kam beaiñ hadien habud bad ban tohkit ïa kiba shahkem kum ha kine ki jingjia khnang ban ïoh jingtip kham bniah.
