Shillong, Lber 09
Ka lympung ïalehkai Women Football League ba la pynïaid da ka Tyrsad Area Sports Association (TASA) ka la nangjam shaphrang ha kaba ka Nongwah bad ka Mawsa-dang ki la khur jingjop ha ka sngi Saitjaiñ.
Ha kane ka jingïakhun kaba la long ha madan Mawlum kaba ha Tyrsad, ka Nongwah ka la pynliem noh ïa ka Nongthym -mai Neng SC da 2-0 kol. Ïa kine la thep da ka Dawanbiang Rani ha ka minit kaba 41 bad 56.
Haba phai sha kawei pat ka jingïakhun kaba bud pat ka Mawsadang ka la jop 4-0 kol ïa ka Pom -sanngut SC. Ka Labiang -hun Rani ka la thep ar kol ha ka minit kaba 10 & 23, katba ïa kiwei pat la thep da ka Ibakor Hynñiewta (27) bad ka Nisha L Lyngkhoi (36).
Na ka liang ki bor pynïaid ki la pynbna ba la pynsangeh ïa ki jingïaleh-kai kiba la buh ban long ha ka 14. Te kumta kane ka lympung kan bteng biang ha ka 21 tarik ha kaba ka Mawsawrit SC kan ïakhun pyrshah ïa ka Mawlum Tyrsad SC ha ka 11:20 mynstep, kumjuh ka Nongwah SC ïa ka Mawliehpoh SC ha ka por 1 baje mynsngi, ka Pom-sanngut SC ïa ka Lawkhla Mawlong SC ha ka por 2:30 nohphai sngi bad ka Wahmawpat SC ïa ka Mawsadang SC ha ka por 4 janmiet.
