Shillong, Lber 09
U Gideon Tympuiñ u la wanrah nam bad burom ïa ka Jylla da kaba khur ïa ka takma ksiar ha ka 5th KIO Senior & U-21 National Karate Championship 2026 kaba la long ha Talkatora Indoor Stadium, New Delhi naduh 26 tarik u Rymphang haduh 1 tarik mynta u bnai.
Une u rangïalehkai uba la mihkhmat ïa ka Jylla hapoh ka lama jong ka All Meghalaya Karate-Do Association (AMKA) u la khur ïa katei ka takma ksiar ha ka Male Individual Kata.
Ha ka jingshisha ka AMKA ka la phah haduh 17 ngut ki nongïalehkai ha kaba la ïalam da ki coach kiba kynthup ïa u Bah Donboklang Lyngdoh bad u Bah Pynhunlang Khar-buli, hynrei tang utei u rangïalehkai uba la wanphai ïing ryngkat ka nam jop.
Kat kum ka kyrwoh ba la pyllait da u General Secretary ka AMKA u Bah Ksan Kupar Warjri, la ong ba kiwei ki nongïalehkai ki la pyrshang ban ïalehkai bha ha katei ka lympung, hynrei ki la duh da ka said ban khur takma.
Te kumta ka synjuk ka la pynpaw ka jingsngewnguh ïa ka Sorkar Jylla halor ka jingkyrshan na ka bynta ka jingpynkhreh ïa ki prokram kilanmet jong ka kynhun na ka bynta ka 39th National Games bad kane ka prokram ka la ïarap ïa ki khynnah ba kin ïoh ban shim bynta ha kum kine ki lympung ïalehkai shabar na la ïing.
