Agartala, ïaïong:
Ki shipai ka tnat Assam Rifles ki la pynlong ïa ka jingpynsngewthuh bad ai jinghikai kaba bniah ïa ki pulit jong ka tnat Central Industrial Security Force ka Agartala ha Tripura, ong ka jingpynbna paidbah.
Ka jingïalang, kaba la pynlong ha madan jong ka Assam Rifles ha ka 1 tarik, Ïaïong, ka la ïohi ïa ki riew shemphang kiba la ai jingtip sha ki nongïashim bynta halor ki jait drone bapher bapher, ka jinglah jong ki, bad ki jingktah kiba ïadei bad ka jingïada.
Da ka jingpyndonkam ïa ki drone kiba nang kiew ha ki bynta jong ki riew paidbah bad ki bynta jong ki lad jingïada, ka jinghikai ka thmu ban pyntbit ïa ki pulit jong ka CISF ïa ki jingeh kiba mih kiba mih na ki liengsuiñ khlem da donkam ban pynshong briew bad ban pynkup ïa ki da ki sap kiba donkam ban treikam bha kumba la buh.
Ki heh sorkar ki la ong ba kane ka jingthmu ka pyni ïa ka jingpyrshang kaba dang ïaid shakhmat ban pynbh ïa ka jingpynkhreh bad pynkhlaiñ ïa ka jingïatreilang hapdeng ki bor pahara ha kaba ïadei bad ki jingma kiba nang kiew ha ka liang ka teknoloji.
