Shillong, Ïaïong 05
Sa shisien pat ka ‘thei ïalehkai ka Jylla ka Melibad Kro ka la khur biang sa kawei ka takma rnong ha ka Delhi Open Athletics Championships kaba la sdang naduh 3 haduh 5 tarik mynta u bnai ha JLN Sta-dium kaba ha nongbah Delhi.
Kane la wan hadien ba kane ka ‘thei ïalehkai na Ri Bhoi ka la khur ïa ka takma rnong ha ka 1st Khelo India Tribal Games kaba la poi sha kaba kut ha Chhattisgarh, ha ka shot put da kaba ka la lah ban kawang ha ki 9:43 mitar.
Ha katei ka jingïakop kaba la long ha ka 3 tarik mynta u bnai kaba la long la long ha nongbah Delhi, Melibad kaba don hapoh ka jingshah pyntbit hapoh ka shlem ai jinghikai jong ka SAI Training Centre, ka lah ban khur ïa ka takma rnong ha ka Hammer Throw (U-20 Women) da kaba ka la lah ban kawang ha ka jingjngai kaba 31.50 mitar.
Katba kawei pat ka ‘thei ïalehkai jong katei ka shlem ai jinghikai, ka Priyanka Bhowmick ka la khur ïa ka takma rnong ha ka 100m Hurdles (U-20 Women) da ka la pyndep ha ki 18.60 sekhon.
