Lucknow, Nailar:
Ïa ka jingpynher ïa ki Drone ha kiba bun ki jaka jong ka nongbah Lucknow, kynthup ha Gorakhnath Temple, khlem da ïoh shwa ïa ka jingbit la khang pyrshah da ki heh sorkar jong ka Gorakhpur, la ïathuh ki heh ba dei khmih.
Ïa kane ka hukum la phah dang shen da u Additional District Magistrate Anjani Kumar Singh, ha kaba la thmu ban pyntreikam hapoh ki jaka ba hap hapoh ka jingkhmih jong ki pulit ka nongbah bad lada jia ba don kino kino kiba pynkheiñ ïa ka kyndon ba la buh kin sa shah ñiew ba ki dei ki nongpynkheiñ aiñ, la ong shuh shuh ki heh ba dei khmih.
Ka jingkyrpad ban ïoh jingbit ha ka ban pynher ïa ki Drone kan long lada pynher ha ki bynta jong ka Gorakhnath Temple, ka jaka rep jong ka Hindustan Urvarak and Rasayan Ltd, AIIMS, ka Railway Station, bad ki bynta kiba hap hapoh ka jingjngai kaba 2-km Radius na ka Mahayogi Gorakhnath University, kynthup ha Gorakhnath Arogyadham Balapar Sonbarsa, la ong ka hukum.
