Srinagar, Nailar:
Ki pulit jong ka Jammu & Kashmir ha ka sngi Ba-ar ki la kem ïa u nongkhaïi drok ha ryngkat ka jingïoh kurup ïa byllai u dieng syntiew Poppy ha ka nongbah Srinagar.
Ïa une u nongkhaïi drok la tip kyrteng kum u Ajay Paul, uba dei u nongshong shnong jong ka Kapurthala, Punjab, ïa uba la shahkem ha ryngkat 11.8 kilo u jingdih pynbuaid ha Srinagar ha ka sngi Ba-ar. Ïa ka jingmudui hapoh ka kyndon jong ka Narcotic Drugs and Psychotropic Substances (NDPS) Act la pynngat pyrshah ïa u ha ka jaka treikam jong ki pulit ka Parimpora, la ïathuh ki pulit.
“Uwei u nongkhaïi drok hapoh ka jylla, ïa uba la tip kyrteng kum u Ajay Paul uba dei u khun jong u Gulzar u nongshong shnong jong ka Kapurthala, ha Punjab, u la shahkem ha ryngkat 11.8 kilo u dieng Poppy (Fukki). Ïa ka jingujor ejahar No. 135/2023 U/S 8/15 NDPS Act la buh ha ka jaka treikam jong ki pulit ka Parimpora,” la phah khubor ki pulit ka Srinagar lyngba ka Twitter.
