Yn ai jingïarap ka sorkar MP ïa ki jaka ba shah ktah jur na ka jinghap slap bad phria

Kiba bun ki bynta kiba don hamar pdeng jong ka jylla, ha ki bynta ba shaphang Sepngi bad Shathie-Sepngi jong ka MP ki la shah ktah jur.

Bhopal, Nailar:

Ki nongtrei jong ka sorkar Madhya Pradesh  ki dang bteng ban pynlong ïa ka jingkhmih bniah ban ïoh ai jingïarap ha kaba ïadei bad ka jingdon jong ki jingshah pynjulor jong ki jingthung jingtep na ka jingwan lynshop jong u slap bad u phria bad ki jingjulor jong ki jingthung kiba la khie la san ha kane ka aïom ha ki bynta ba marpdeng bad shaphang Sepngi jong ka jylla, ha kaba ïadei bad kane la ïoh jingtip ba ka Vidisha bad ka Rajgarh distrik jong ka bynta ba marpdeng jong ka MP ki long ki jaka kiba la shah ktah jur na ka jingshah lynshop ha ki bor mariang.

Kumba la khmih bniah na ka kaiphot kaba la ïoh hashwa la ong ba ka jingwan hap jong u slap u bym dei ban hap ha kane ka aïom ha ryngkat u phria ka la ktah jur ha ki katto katne bnai ba la leit, ha kaba la sakhi ba ki kew kiba la ïeng bad san, ki dai bad kiwei kiwei pat ki jingthung, khamtam ha ka thaiñ Sironj jong ka Vidisha distrik ki la shah pynjulor lut.

Kiba bun ki bynta kiba don hamar pdeng jong ka jylla, ha ki bynta ba shaphang Sepngi bad Shathie-Sepngi jong ka MP ki la shah ktah jur.