New Delhi, Risaw:
Ka Congress Working Committee (CWC) ka la pynlong ïa ka jingïalang kaba kyrpang ha ka Lah Sngi U Blei, ha kaba la khmih bniah na ka bynta ki jingdonkam na ka bynta ka ilekshon Assembly ka ban wan bad kumjuh ka jingthmu ban pynlong ïa ka jingwad khana samari halor ka jingdon jong ki kynhun jaitbynriew ha baroh kawei ka ri.
Kum shi bynta ban pynkhreh halor baroh ar tylli ki ilekshon, kata jong ka ilekshon Assembly bad jong ka Lok Sabha, u President jong ka seng Congress u Mallikarjun Kharge ha ka jingïalang u la ong, “Hadien ba ngi la wan ha ka bor synshar ha u snem 2024, ngin sa pyntreikam ïa ka bhah kaba kyrpang na ka bynta ki kynthei katba u dang pyntikna ban pyntreikam ïa ka hapdeng ki kynthei kiba shah kynthup ha ka kynhun OBC women.”
Ha ka por ba la don ka jingïalumlang jong ki dkhot jong ka Congress Working Committee (CWC) u la ïaiban da kaba ong ba yn sa pynlong ïa ka jingleit wad khana samari halor ka jingdon jong ki kynhun jait bynriew, ban khmih bniah ïa ki jingdonkam ba la kular ban pynïoh ïa ka hok longbriew manbriew na ka bynta kito kiba shah kynthup ha ka Scheduled Castes (SCs), Scheduled Tribes (STs), bad ka Other Backward Classes (OBCs) ban tip bniah halor ki jingdon jong ki.
U la ong ba ka seng BJP ka dang sngap jar halor kane.
