Bhubaneswar, Risaw:
U Myntri ka sorkar kmie uba dei khmih ïa ka tnat Information and Broadcasting u Anurag Thakur u la ong ba ka seng BJP kan sa ïakhun hi ïa ka ilekshon ban wan ha Odisha bad kaei kaei ka ban mih nangne kan sa pynhun kumba la khmih lynti.
U Thakur, uba la leit jngoh ïa ka jylla ban don bynta ha kiba bun ki prokram ha ki ar tylli ki nongbah kata ha Bhubaneswar bad Cuttack ha ryngkat u heh jong ka kynhun ki Myntri ha ka Cabinet u Dharmendra Pradhan, u la ong ba ka BJP borabor ka la ïakhun ïa ka ilekshon da ka bor jong ki nongbud ka seng bad nangne la ïohi ba la ïoh ban kheit ïa u soh uba bha. Kane ka jingangnud jong ka seng ka long ban lah ban pynjop da ka jingtrei shitom jong baroh ha ka seng.
“Mynta, ka seng BJP ka dei kaba la shah ïalam ha u Myntri Rangbahduh u Narendra Modi uba long u nongïalam uba paw ha ka pyrthei ha kaba kane ka la long da 78 per cent. Ngin sa ïakhun ïa ka ilekshon jong u snem 2024 da ka jingtrei shitom bad phin sa ïohi kaei ka ban mih ha kaba kan sa kham bha ban ïa ka jingïakhun ba la long ha ki por ba la leit ha Odisha,” u la ong.
