New Delhi, ïaïong:
U MLA jong ka AAP u Rituraj Jha u la pynshisha da kaba ong ha Delhi Assembly ba u la shah tyrwa ha ka seng BJP na ka bynta ban leit pynïasoh bad ki ha ryngkat ka jingtyrwa kaba T. 25 klur ban mih na ka seng kaba u don ryngkat ban wan ïalam bad 10 ngut ki MLA.
Ha ka por ba u la ai jingkren hapoh Delhi Assembly, u nongïalam jong ka seng Aam Aadmi Party (AAP) u la kynnoh ba ka seng Bharatiya Janata Party (BJP) ka la kwah ban pynpait ïa ka sorkar Delhi”.
“U Myntri Rangbah jong ka Delhi u Arvind Kejriwal u la long tang ma u hi u nongïalam uba la lah ban pynrem ïa u Myntri Rangbahduh u Narendra Modi haduh saw sien ha ka ilekshon Assembly ha Delhi kata naduh u 2013, 2015, 2020 bad 2022 jong ka ilekshon MCD. Ki la sdang ban leh buit-tuh sa shisien pat,” u la ong.
U Jha u la ong ba u la shah tyrwa na ka bynta ban leit ban pynïasoh bad ka seng BJP ha ka Sngi U Blei.
“Ha katei ka sngi, nga la leit sha Dariyapur kaba don ha Bawana ban don bynta ha ka jingkhawai ïathoh hadien ba la dep ban don bynta ha ka jingïalang paidbah jong ka kynhun INDIA. Ki la don kumba katto katne ngut ki brew kiba la pyrshang ban ïakren bad nga lyngba ka phone ha ki lai haduh saw sngi ba la leit,” la ong u Jha.
“Haba nga la poi hangne ha ka por 9.15 mynmiet, ki la don lai haduh saw ngut ki briew kiba la tan ïa nga sha kyndong bad ong ‘peit lada phim ngeit, phin ym ïoh ei ei. Yn sa pyntreikam ïa ka jingsynshar President ne ka President’s rule. Phi wan ïalam ïa 10 ngut ki MLA bad ngin sa ai mar `. 25 klur. Phin sa shah pynlong Myntri ha ka sorkar BJP’,” u la bynrap shuh shuh.
Kum ka jingpyntikna ba ki MLA jong ka seng AAP kin ym ieh ïa ka seng, u Jha u la thalaiñ tyngeh ïa ka seng BJP bad ong ba ka seng ka la sdang biang.
“Ha ka Lah Sngi U Blei ha ka por 9:14 mynstep, nga la shah byrngem lyngba ka Internet Call, ha kaba la maham ïa nga ba ngam dei ban ïathuh ïano-ïano ruh ha kaba ïadei bad ki jingïakren ba la dep ha ka miet jong ka Sngi U Blei,” la ong u Jha said, ha kaba u la bynrap shuh shuh da kaba ong ba u la don ïa ki sakhi ba biang halor kane.
