Guwahati, ïaïong:
U Amritpal Singh uba dang shah set patok mynta ha Dibrugarh Jail u la ong ba un sa ïakhun ïa ka ilekshon Lok Sabha na Khadoor Sahib konstitwensi ha Punjab.
Kumba la ïathuh ka tyllong khubor, la ong ba u Rajdev Singh Khalsa, uba long u nongïasaid aiñ jong u Singh, u la pyntikna ba une u nongïalam jong ka Waris Punjab De un sa ïakhun ïa ka ilekshon kum u kyrtong shimet.
U Khalsa uba dang leit shen sha Dibrugarh ban leit jngoh ïa u Amritpal Singh, u la ong, “Nga la ïakynduh ïa u Amritpal Singh bad u la ong ïa nga ba un sa ïakhun ïa ka ilekshon Lok Sabha na Khadoor Sahib. U Singh u la shah set ha Dibrugarh Jail kaba don ha Assam naduh u Ïaïong jong u snem 2023 hapoh ka jingtreikam jong ka National Security Act.
