Kolkata, Jymmang:
Ka jingshit ha Kolkata ka la kham hiar shi sngi hadien ba ka la kiew sha ka 43 Degrees Celsius ha ka Sngi Ba-ar, ha kaba la ong ba hynnin ka sngi ka jingshit ka la long da 38 Degrees Celsius ha kaba la ong ba ka jingkiew jinghiar jong ka jingshit kan sa nang kiew ne nang hiar. Kumba la sakhi, la ong ba ha ka sngi Ba-ar ka nongbah ka la ïohmad ïa ka jingshit kaba jur tam ha ka nongbah kumba la buh jingthoh hadien ki 50 snem ba la leit, la ong ka Met Department.
Kum ka jingbuh jingkyrmen ba ka jingshit jong ka sngi kan sa kham hiar naduh ka Sngi U Blei, ka Met Department ka la ïathuh lypa ba kan sa don ka jinghap jong u slap na ka jingkiew ka jynhaw um na Bay of Bengal. Ka Alipore Observatory ha Kolkata ka la ïoh lum jingkheiñ ha kaba ïadei bad ka jingïohmad jong ka nongbah ïa ka jingshit ka bajur tam ha ki 50 snem da 43 Degrees Celsius, la ong ka Met Department.
Ka Neighbouring Salt Lake ka la ïoh ïa ka jingshit kaba jur da 43.5 Degrees Celsius, katba ka jaka bamarjan ka Barrackpore kaba don ha North 24 Parganas distrik ka la ïoh ïa ka jingshit kaba 44.6 Degrees Celsius, la ong ka tnat Met.
Ka Kalaikunda kaba don ha Paschim Medinipur, ba don ka Air Force Station, ka la ïohmad ïa ka jingshit kaba jur da 47.2 Degrees Celsius. Ka Panagarh kaba don ha Paschim Bardhaman ha kaba ka Air Force Station Arjan Singh ka don ka la ïoh ïa ka jingshit kaba 45.6 Degrees Celsius.
Ka Medinipur ka la ïoh ïa ka jingshit kaba 45.5 Degrees Celsius, katba ka Bankura da 45.1 Degrees Celsius. Ki jaka kiba la ïohmad ïa ka jingshit kaba jur kaba la tam ïa ka 40 Degrees Celsius ki kynthup ïa ka Krishnanagar (44), Bardhaman (44), Asansol (44.2), Purulia (43.7), Jhargram (44) bad ka Sriniketan (43.6).
Ka jingjur jong ka jingshit jong ka sngi, kan sa long ruh ha Purulia, Bankura, Birbhum, Jhargram, Murshidabad, Paschim Medinipur, Purba Bardhaman bad Paschim Bardhaman, katba kiwei pat ki distrik kiba don ha ka bynta ba shaphang Shathie jong ka West Bengal kin sa ïohmad ïa ka jingshit haduh ka 3 tarik, Jymmang.
