Ranchi, Jymmang:
Ki la don kumba saw ngut ki briew, kynthup ïa lai ngut kiba dang poh rta, kiba la ïap ha ka jingbthei kaba la jia ha ka Sngi U Blei ha Palamu kaba don ha Jharkhand, la ïathuh ki pulit. Ka jingbthei ka la jia ha ka jaka ïadie ïathied kaba don ha ka thaiñ ba dei khmih ki pulit jong ka Manatu, ka jaka kaba jngai da kumba 190 km na ka nongbah Ranchi, la ïathuh ki pulit.
Kane ka jingjia ka la jia ha ka miet shwa ban pynlong ïa ka ilekshon Lok Sabha sha saw tylli ki konstiewnsi kaba kynthup ïa ka Palamu.”Ki la don saw ngut ki briew, kynthup ïa lai ngut kiba dang poh rta, kiba la ïap ha ka jingjia,” la ïathuh ka Superintendent of Police (SP) jong ka Palamu ka Reeshma Ramesan ha ka jingïakren bad ki nongthoh khubor.
