New Delhi, Jymmang:
Ha kaba ïadei bad ka jinglong-jingman ha ki kam saiñ pyrthei, u MP jong ka seng AAP u Raghav Chadha, ha ka jingïalang kaba nyngkong kaba u la pynlong naduh ba u la wanphai na UK hadien ka jingshah sumar khmat, u la ai ïa ki jingkren kiba ai mynsiem ha kaba ïadei bad ka ilekshon Lok Sabha 2024.
Ha ka por ba la don ka jingïaid paidbah kaba la long ha South Delhi, u Chadha u la pynbna ba u Myntri Rangbah jong ka Delhi u Arvind Kejriwal bad u nongïalam jong ka seng Congress u Rahul Gandhi kin sa ïa ai mar kylliang ka ‘vote’ na ka bynta ki seng jong ki ha ka por ba don ka ilekshon ha ka nongbah.
Kane ka khubor ka la long hadien ba u Chadha uba la ai jingkren ha ka jingïalang paidbah u la ai ka jingkyrshan na ka bynta u kyrtong jong ka seng AAP u ban ïakhun ha ka ilekshon Lok Sabha u Sahi Ram Pahalwan, ha kaba u la batai shai shaphang ki jingdonkam ha kaba ïadei bad ki jingshngaiñ ha ka ban ïada ïa ka ri bad ïa ka Rita synshar.
Ka jingkren jong u Chadha sha ki paidbah ka long ban pynshai ïa ki rukom thep vote jong ki na ka bynta ka lawei jong ki khun.
U Chadha u la don bynta ha ka jingïakhih jong ka seng AAP hajan ka jaka treikam jong ka seng BJP ha ki sngi shwa kane ka jingpynbna jong u.
U nongïalam jong ka seng AAP u la pynpaw ruh ïa ka jingïarap pynkunai pisa ïa ki nongshong shnong jong ka Dehli ha kaba ki la ïoh ban mad ha kane ka jingsynshar jong ka seng AAP, kynthup ha kaba ïadei bad ka jingpynduna ïa ka bai bording, ka bai shah sumar, ka jingïoh um ha ka dor kaba bit, ha ryngkat ka jingailad ïa ki longkmie bad ki kynthei ba kin shong ei ha ki bos khlem da donkam siew haba ki leit jingleit.
Kine ki jingïoh jingmyntoi ki long shi bynta ki jingai sngewbha jong ka seng AAP ha kaba ka la kyrpad ïa ki paidbah ba kin ai ka jingkyrshan ha ka ilekshon ban wan.
U Chadha u la buh ka jingkyrpad kaba kyrpang na ki nongthep vote ba ki la dei ban jied ïa ka shap jong ka seng AAP ha ka 25 tarik, Jymmang, ha kaba ka jingïa kyrshan kaba markylliang kan sa sdang ha kaba u Rahul Gandhi un sa vote na ka bynta ka seng AAP bad u Kejriwal pat na ka bynta ka Congress.
