Chennai, Jymmang:
U nongïalam jong ka seng AIADMK u VV Rajan Chellappa u la kren pyrshah halor ka jingpynshisha jong ka seng DMK ba ka seng kan sa khyllem hapoh ka jingpynïaid jong u Velumani bad u Thangamani hadien ba la dep ban pynbna ïa ki nongjop kiba la ïakhun ïa ka ilekshon, ha ka jaka ban bteng hapoh ka jingïalam jong u General Secretary ba mynta u Edappadi K Palaniswami.
Ha ka jingïakren bad ki nongthoh khubor ha Madurai ha ka Sngi Palei, u Chellappa u la ong ba kane ka jingong kam dei kaba shisha, ha kaba u la bynrap da kaba ong ba ka seng AIADMK ka la trei bha hapoh ka jingïalam jong u Palaniswami.
“U EPS u la wan hakhmat eh ha kaba ïadei bad ki jingwanrah ïa ka jingjop na ka bynta ban kyrshan ïa ka seng bad ban pynbiang ïa kaba bha tam ha ka jingsynshar ha ka samoi treikam jong u kum u Myntri Rangbah jong ka jylla. Dei namar kane ka daw ba ki nongbud jong ka seng, naduh kiba hapoh haduh kiba ha khlieh-duh, ki la pdiang ïa u kum u nongïalam bad trei hapoh ki hukum jong u,” la ong u Chellappa.
U heh nongïalam ha kaba ïadei bad kane ka jingpynshisha, u la kyntait halor ka jingthoh jong u nongïalam ka AIADMK u Sellur K Raju ïa kaba u la buh ïa ka post ha u nongïalam ka seng Congress u Rahul Gandhi, ha kaba la ong ba ïa ka jingkylli la lah ban kylli beit beit ïa u Raju.
Kum ka jingai jubab halor ka jingkylli la u District Secretary jong ka seng AIADMK un kylla noh hadien ka ilekshon, u la ong ba u Palaniswami u la don ka bor na ka bynta ki jingpynkylla ïa uno-uno u District Secretary, ha kano-kano ka por.
U Chellappa shuh shuh u la ong ba ka seng kan sa ïoh ïa ka jingjop ha ki 40 na ki 40 tylli ki Parliamentary konstitwensi ha ka jylla bad ha Pondicherry, bad buh jaka na ka bynta ka jingjop jong ka seng ha ka jingïakhun ïa ka ilekshon Assembly ka ban long ha u snem 2026.
“Ka seng AIADMK kan sa ïai bteng ban ïakhun na ka bynta ka hok jong ki briew pyrshah ïa ka sorkar synshar, naba ka seng DMK kam shym la lah ban ïada ïa ka jingim jong ki briew. Ki briew ki la nang ïap na ki jingjia ha ki jingbthei ki jaka shna bom pataka bad ha ka jingngam jyllop,” u la ong.
