Mumbai, Jymmang:
Kum shi bynta ban ïada ïa ki khlaw bad ban pynneh ïa ka jingjyrngam ha Thane distrik jong ka Maharashtra, u Municipal Commissioner jong ka Thane u Saurabh Rao u la pynbna shaphang ka jingpyntreikam ïa ka jingkhmih bniah ka ban long ha baroh 24 kynta ha baroh ki jaka rung bad ki jaka mih kum shi bynta ban khanglad ïa kiba bret pathar ïa ki jaboh ha ki jaka bym dei ban bret, la ïathuh ka jingthoh ba la phah da u heh ba dei khmih.
Kane ka jingpyntreikam ka don jingthmu na ka bynta ban kyntiew ïa ka jingrben jong ki khlaw kiba don ha ki bynta ba hap hapoh ka jingkhmih jong ka Thane Municipal Corporation (TMC). Ha ka por ba la don ka jingïalang ba la pynlong ha kine ki khyndiat sngi ba la leit, u Saurabh Rao u la kdew shai ha kaba ïadei bad ki jingdonkam na ka bynta ban ïada ïa ki khlaw bad hukum ïa u Assistant Commissioner ba un khanglad ha kaba ïadei bad ka jingbret ïa ki jaboh ha ka thaiñ Kandalvan, la ong ka jingthoh.
“Yn sa ai jingbit ha ka ban bret ïa ki jaboh ha ki jaka ban buh ki ban long shabar ka thaiñ TMC. U Rao u la hukum ruh ban pyntreikam kham kloi ïa kine ki jingkhmih bniah ha ki jaka rung bad ki jaka mih kum ha Anandnagar bad Mulund Checkpoints, ha kaba ki nongtrei ha kine ki jaka ki la dei ban khmih bniah bha,” la ong u heh ba dei khmih jong ka Municipal. Katkum ka jingkren jong u Chief Environment Officer u Manisha Pradhan, la ong ba ka TMC ka don ka jingkitkhlieh na ka bynta ban ïada ïa ka Kandhalvan ha ryngkat ka jingïatreilang jong ki pulit.
