Raipur, Nailur:
Kumba la pynbeit, la ong ba ïa ki Self-Help Self (SHGs) ba la ïalam da ki kynthei ha Chhattisgarh mynta yn ai jinghikai ha kaba ïadei bad ki Drone kum shi bynta jong ka ‘Namo Drone Didi Yojana’ jong ka sorkar kmie.
Kane ka jingpyntreikam kan sdang na Baloda Bazar distrik, kaba jngai kumba 70 km na Raipur, ha kaba bun bah ki kynthei na ka Self-Help-Group ki la pynpaw ïa ka jingangnud kaba khraw ban ïoh jinghikai ha ka rukom treikam jong ki Drone.
Ka sorkar u Vishnu Deo Sai ka kyrmen ba shen ka jingpyndonkam ïa ki Drone kan pynpaw khmat hapdeng ki nongrep ka jylla.
Ha ka jaka ba heh da kumba 138 lak hectare jong ka jylla, ka jaka ba la pynlong jaka rep ka long haduh 46.51 lak hectare, kaba long da kumba 34% na ka jingkheiñ baroh bad palat 70% ki nongshong shnong jong ka jylla la pynpaw ba ki trei ha ka rep ka riang.
U District Collector u Deepak Soni u la ong ba katkum ka jingbthah jong u Myntri Rangbah ka jylla, la sdang ïa ki jingpyntreikam ban kyntiew ïa ki ‘Namo Drone Didis’ ha ka distrik, bad katkum kane, la bthah ïa ki heh jong ka tnat rep ban shim ïa ki sienjam kiba donkam ban sdang ïa ka prokram ai jinghikai.
“Ka jingthmu ka long ban thaw ïa u ‘Cadre of Drone Didis’ ha ka jingbun briew kaba biang khnang ba baroh ki nongrep ha Baloda Bazar distrik kin ïoh ïa ki jingmyntoi na ka jingthmu jong ka sorkar. Kane ka sienjam ka la ai bor ïa ki kynthei ha nongkyndong ban ïoh ïa ki lad kamai da kaba kyrshan dalade ïalade”, u la bynrap.
Ban long kiba bit halor kane ka jingïarap, ki kynthei ki dei ban don hapdeng ka rta kaba 18 bad 37 snem, ki nongshong shnong jong ka ri India, bad ki dkhot jong ka kynhun ba ïeng hala kijong ki kjat kiba trei shitom.
Dang shen, ka Nirupa Sahu, kaba la tip paidbah kum ka ‘drone didi’, bad u Nikhil Kannauje, u nongñiah Drone uba ïadei bad ka seng treilang jong ki bun tylli ki jylla IFFCO, ki la ïakynduh ïa u Collector ban ïasam ïa ki jingai jingmut jong ki.
Ki la ong ba kum kine ki Drone ki lah ban ïaid da kaba suk ha ki jaka kiba jngai kumba 2-3 km, ha kaba ki ju her ha ka jingstet kaba shi akar hapoh 7-8 minit.
Da kaba ai khublei ïa kine ki arngut kum ka lad ban ai mynsiem ïa kiwei pat halor ka jingpyndonkam ïa ki Drone ha ka rep ka riang, u Collector u la kam ruh ïa ka jingpyndonkam ba myntoi jong ki Drone ha kaba ai sboh, synreit ïa ki dawai pynïap khñiang, bet symbai bad wat ban peit bniah ïa ki jingthung jingtep.
Ka prokram jong ka sorkar pdeng ka thmu ban pynkup bor ïa ki kynthei nongkyndong bad ban ai ïa ki ïa ka jingsynshar laitluid ha ka liang ka pisa tyngka. Ki kynthei kiba la shah hikai kin ïoh ïa ka license ñiah Drone na ka bynta ki kam rep bad kin long kiba lah ban kyrshan ïalade kum ki lad kamai.
“Ka donkam ruh ban pynshlur ïa ki nongrep ban pyndonkam pura ïa ka jingpyntreikam katkum kajuk ba mynta na ka bynta ki jingthung jong ki”, ong u Soni. Haba ïadei bad ka ‘Vaibhav Lakshmi Self-Help Group’, ka Nirupa Sahu ka la shim ïa ka jinghikai kaba 15 sngi halor ka jingtreikam ki Drone ha kawei ka jaka pule ha Gwalior.
Ka la pyndonkam da ki Drone ha ki kam kiba ïadei bad ka rep ka riang kum ka jingsynreit sboh bad ki dawai pynïap khñiang.
“Nga shim dor T.300 shi akar na ka bynta ban synreit Urea lane dawai pynïap khñiang da kaba pyndonkam da ka Drone. Nga la shimkhia bha mynta ha kaba ai ïa ki jingshakri jong nga bad ban kamai ïa ka kamai kaba biang”, la ïathuh u Sahu.
Ka prokram jong ka sorkar kmie ka Namo Drone Didi Yojana Scheme ka thmu ban ai Drone sha ki 15,000 tylli ki SHG ha ki jaka nongkyndong ha kaba la mang kham bun na ka bynta ki kam rep ha kine ki saw snem ban wan.
Ha kajuh ka por, ki tyllong khubor na ka tnad sam um ki ïathuh ba ka Subarnarekha ka tuid palat ïa u dak ba buh jingma ha Rajghat.
Ka ophis treikam jong u Special Relief Commissioner, ha ka kaiphotd, ka ïathuh ba haduh 11,632 ngut ki briew, ki la shah pynkynriah sha ki jaka ba shngaiñ, namar ba ka umsaw, ka la tap lut ïa ki 141 tylli ki shnong ha Balasore distrik.
“Ka sorkar jylla ka la plie 51 tylli ki jaka shet jingshet ba la buh bad ïa ki briew kiba la shah pynkynriah jaka la ai da kine ki jingbam ba la shet,” la ong u heh sorkar. Kumjuh ruh la pynkynriah ïa 1,603 ngut ki briew ha ka Mayurbhanj distrik ba marjan namar ba ka um kaba la shlei ka la rung sha ki 101 tylli ki shnong. Ka jingshlei um kaba rit ka la don ruh ha ki distrik Keonjhar bad Sundargarh, la ong u heh sorkar.
