Lucknow, Naiwieng:
U heh nongïalam jong ka seng Samajwadi Party u Akhilesh Yadav ha kine ki khyndiat sngi ba la leit, u la ong ba ka seng BJP ka pynlong ïa ki briew ban sngap jar-jar ha ka jingïakhun ban ïoh kamai khnang ba kan lah ban pynlong ïa ka saiñ pyrthei paidbah jong ka.
U la ong ba ki kam ki jam kin sa mih tang ynda la weng ne kyndang noh ïa ka BJP.
“Lada ka seng BJP ka la synshar da kajuh ka bor kaba ka dang pynïaid ïa ka Bulldozer jong ka jingsynshar bymhok, mynta ka sngi ki dkhot jong ka kin ym donkam ban rieh ha la ki jong ki ïing ki sem, da kaba tieng ïa ka jingbitar jong ki samla pule,” u la ong. Kane ka jingkren jong u Yadav ka long hapdeng ka jingïakhih kaba dang ïaid shakhmat jong ki nongïakhun ha Prayagraj halor ka rai jong ka Uttar Pradesh Public Service Commission (UPPSC) ban pynlong ïa ki eksamin ba nyngkong jong ka Review Officer (RO) bad Assistant Review Officer (ARO) bad Provincial Civil Service (PCS) ha ki tarik bapher bapher .
“Da ki snem, la ka long ïa ki kam ba lait ne ym ju pyllait, lane ka jingpynkhreh ïa ka eksamin ka slem. Ka BJP ka la pynthut ïa ki samla pule na ka jingpule jong ki bad ka la pynbor ïa ki ban ïakhih ha surok,” la thoh u Myntri Rangbah barim ka Uttar Pradesh ha ka jingthoh kaba u la buh ha ka rynsan X.
“Mynta ka kynti, ki jinglong-jingman ki la kylla long ‘U Yogi u la long pyrshah ïa ki samla wadkam!'” la ong ka jingthoh ha ka jingpyllait khubor jong u. U nongïalam jong ka seng SP u la ong ba ki kam na ka bynta ki samla kim don ha ka mat ïakren jong ka seng BJP, bad ki paidbah ki la sngewthuh ïa kane.
“Ki la shah pynngat lathi, bad ki kam ki dang don ha ka mat ïakren jong ki. Ngim kwah ïa ka sorkar kaba khlem jingmyntoi.”
U Yadav u la pynshisha ruh ba ki briew kiba la nang la stad, kiba la trei kam kim shym la shah pynkhih shuh “ha ka jingsngew jong ka BJP.”
“Mynta wat ki kmie ki kpa, kiba la ju shah pyndik ha ki jingpynbna lamler jong ka BJP ha ki kynhun WhatsApp, ki la sngewthuh kumno ka BJP ka pyndonkam bakla ïa ki ha ka liang ka jingsngew ban ïoh bad pynneh ïa ka bor jong ka,” u la ong ha ka jingphah khubor. “Mynta kine ki briew ki kyntait ruh ïa ka saiñ pyrthei kaba pynpait pynpra jong ka BJP bad ki pdiang ïa ka ‘saiñ pyrthei kaba bha kaba wanrah ïa ka jingïatylli.’
Ym don mano-mano ba nud ban sah kum u mraw ha ki jingmut jingpyrkhat ban shah the ha ka BJP,” u la bynrap.”Ki kam kin wan tang ynda ka BJP ka la leit noh,” u la bynrap.
Une u ‘riew saiñ pyrthei uba ïatreilang bad ka kynhun INDIA, u la pynrem ruh ïa ka ‘Bulldozer Politics’ jong ka sorkar Yogi Adityanath, da kaba ong ba ka jingkynthoh kaba ka la wanrah ka la pynlong ïa ki nongïalam ka BJP ban sngewtieng ha ki ïing ki sem jong ki.
La weng noh ïa ki lama jong ka BJP na ki ïing, ki dukan, ki jaka treikam, bad ki kali jong ki dkhot jong ka, u la pynshisha.
“Ka por jong ka saiñ pyrthei kaba sniew bad ki jingïathuhkhana lamler jong ka BJP ka la kut noh,” u la bynrap.
