Visakhapatnam:
Kiba bun ki jingkular jong ki sorkar kiba la ïoh ïa ka jingjop ki shu kut tang da ki ktien ha kaba kim ju pyntreikam eiei khamtam na ka bynta ban wanrah ïa ki kam pynroi ha ki jaka ri lum kiba don ha ki thaiñ nongkyndong khamtam ha Visakhapatnam.
Ka bynta kaba kongsan ha kaba ïadei bad ka jingkyntiew ka long ha ka liang ki skul, kumba la sakhi, la ong ba ki khynnah skul jong kawei ka skul kaba don ha Visakhapatnam ki la ïakynduh jingeh na ka daw jong ka jingbym biang jong ka ïingskul.
Kumba la sakhi, la ong ba ki briew sorkar ki la shu buh tang ki jingkular na ka bynta ban pynbiang ïa ki jingdonkam khamtam na ka bynta ban pynshna ïa ki ïingskul, hynrei kam shym la don kano kano ka jingkylla ha kaba ïadei bad ka jingbuh ne shna ïa ki ïing skul ha ki shnong kiba don ha ri lum, khamtam ha ki shnong ba don kham sha kliar jong ki lum.
Ki khynnah skul jong ka shnong Buriga bad Gudem kiba hap hapoh ka Rompalli Panchayat, kaba don ha ka thaiñ Ananthagir, ki la shong ha ryngkat ka jingpyndonkam da ki shatri, na ka bynta ban ïada ïalade na ka jingshit jong ka sngi khamtam lada dei ha ka por ba ka sngi ka shit kyrang bha.
Ha ka por slap, kine ki khynnah ki la hap ban shong ha ïing namar ba ym lah ban pynlong skul habar.
Ka la don ka jingmang ha ka jinglut kaba T. 2.5 lak, na ka bynta ban shna ïa ka ïing skul, la ïathuh u nongïarap ba dei khmih ïa ka bha ka meit jong ka shnong u Appala Raju ha ka jingïakren bad ki nongthoh khubor.
