Chennai, Naiwieng:
Ka Sorkar Tamil Nadu ka dang don mynta ha ka jingpynkhreh ban thung kam ïa ki 2,553 ngut ki doktor lyngba ka Medical Recruitment Board (MRB), ka ban wanrah ïa ka jingbun jong ki doktor ha ki jaka ai jingsumar jong ka sorkar ha kaba sdang jong u snem 2025, la ong u Myntri jong ka tnat ka koit ka khiah u Ma Subramanian ha ka Sngi U Blei.
U Subramanian u la don ha kane ka nongbah ban plie ïa ka jaka sumar ba siew pisa ha Tirunelveli Medical College Hospital (TvMCH) kaba la tei ha ka jinglut kaba T.1.1 klur bad kawei ka Hospital jong ki riewshimet.
“Ki hospital sorkar mynta ki don tang 1,353 ngut ki doktor ha kaba kane ka pynpaw ba ki duna bha, bad kin sa don sa 1,200 tylli ki kam ba lait ki ban mih ha u snem 2026 ha kylleng ka jylla. Baroh ki don 2,553 ngut ki doktor kiba hap ban shah thung. Ban pynbeit ïa kane ka jingdonkam, ka MRB ka la pynmih ïa ka jingpynbna lyngba ki kot khubor, bad ka la pdiang ïa ki aplikeshon. Ïa ka jingpynshisha ïa ka sornot ha kaba ïadei bad ka jingkhmih bniah yn sa pyndep noh shen. Na ka bynta ki 2,553 tylli ki kam doktor, la pdiang baroh 24,000 tylli ki aplikeshon. Ngi thmu ban thung ïa ka kompeni kum ka TATA Consultancy ban pynlong ïa ka eksamin Online ha ka 27 tarik, Kyllalyngkot, 2025. Shisien ba la dep ban pynrung kam, yn sa pyndap ïa ka kam doktor-ba lait 100%, bad ngi sah sa tang 1,200 ngut ki doktor kiba la sahteng na ka bynta ban thung kam ïa ki. Lait na kane, ki don haduh 2,250 tylli ki kam kiba lait na ka bynta ki nongsumar ha ki shnong kiba lait ha kylleng ka jylla. Haba ka MRB ka dang thmu ban sam ïa ki hukum thung kam na ka bynta ki nongthep kam ba la jied, la mudui kumba 30 tylli ki mukotduma pyrshah ïa ka. Ngi la khot ïa ki nongmudui ban ïakren pyrshah bad ïamir jingmut”, la ong u Subramanian.
Haba kren shaphang ka Pay Ward bathymmai ha TvMCH, u la ong, “Ka kynthup ïa 18 haduh 23 tylli ki kamra shimet kiba la pyndap da ki jingdonkam.
Hadien ba ka sorkar DMK ka la shimti ïa ka bor synshar, la plie ïa ki jaka kiba kum kine ha ki khyndai tylli ki jaka.”
