Saipung, Nohprah 02
Ka Lamyrsiang SC ka la ïoh nam jop, katba ka Narwan SC bad Tluh SC ki la ïakhaid ha ka Super Division Football Tourna -ment ba la pynïaid da ka Saipung Block Sports Association (SBSA).
Ha ka jingïalehkai kaba la long ha madan Lamyrsiang ha ka Lah Sngi U Blei, ka Narwan SC bad ka Tluh SC ka la ïakhaid mar 1-1 kol. Ïa ka kol jong ka Narwan la thep da u Jimrio Langstang (8), katba ka Tluh ka la pynphai kylla lyngba u Mihsalan Dkhar (13).
Ha ka jingïalehkai kaba bud, ka Lamyrsiang SC ka la pynliem noh ïa ka Pyrdung SC da 2-0. Ïa kine kol la thep da u Teiwanmi Bareh ha ka minit kaba 33 bad Jeffrey Surong (81).
Ha ka Sngi Ba-ar ka jingïalehkai kan long hapdeng ka Mulait Bri Sumer pyrshah ïa ka Shnongrim SC ha ka por 11 baje mynstep bad ka Mulait United FC ïa ka Lamyrsiang SC ha ka por 1.30 nohphai sngi.
