Kane ka jingkhang bam doh Masi ha Assam ka long pynban ka jingmyntoi bad ka kabu kaba khraw ïa ka jylla Meghalaya. Namar ka Assam ym shah shuh ban die doh, te ki Masi baroh ki nong Assam kin die lilam noh sha ki nong Meghalaya. Kumta ngi kyrmen ba ngin sa ïoh kham tad dor noh ka doh Masi hapoh ka Jylla jong ngi. Ngi dei ban kmen ba khang bam doh masi sha Assam. Kumta ym dei ban ïa pyrshah ïa ka jingkhang bam doh Masi ha Assam, namar ym dei ba khang ïa ngi ki ong Meghalaya. Namar ha Jylla Meghalaya jongngi ngim don jingkhang eiei. Ngi dei ban kmen keiñ ban ïoh pahuh ka doh masi ban bam hapoh ka Jylla. Kane ka long ka jingshisha nga hap ban pynpaw ha ki paidbah ka Jylla jongngi ba ngin sa pahuh doh masi na ka daw ba khang bam doh masi sha Assam. Kane ka long ka jingïohi jong-nga kum u ‘riew paidbah uba bam doh masi bad kiwei kiwei ki jait doh ba ïa bam lang para briew. Ngi dei ban kmen ba khang bam doh masi sha Assam, ki masi kin sa poi lut shapoh ka Jylla jongngi lyngba ki nongshalan na Assam.
C. B. Iawphniaw
